معيشتي ماهي على باب الاحسان .. ولاهيب في حافز ولا في جداره

[|.|.|.|.|منيفاوي]

معيشتي ماهي على باب الاحسان .. ولاهيب في حافز ولا في جداره

السلام عليكم

لتواصل مع محبي همس القوافي


(( تجارب وقت ))


ايو الله اني ضايق وحيل تعبان .. امن العصر والكبد فيها مراره
احس في صدري ثلاثين شيطان .. وكلً على الثاني يريد انتصاره

يابو علي ياصاحبي ياكحيلان .. ياللي تحط لكل رجل وقاره
وش حيلتي لاصارو الربع عدوان .. وكلن على فرقاي صدر قرار

من عقب ماكنا مع الوقت خلان .. اليوم خلوني على راس قاره
اجهل سببهم مير من راح زعلان .. يرضيه من يخرج لنا من ثماره



وقل لضعيف الي ظلمني بهتان .. ياتيه ماحول ببرج التجاره
من عادتي ماهمني قول سفهان .. اهل العلوم مدورين القشاره

علاجة الهرج كبيريين الاذان .. يسعون في نقل الخزا وانتشاره
بعض العرب لاراح يلحقك حسفان .. وترتاح لامنك وصلته بداره

وبعض العرب لاراح منته بخسران .. عسا الزباله ترتمي بالزباره
والي معه ختمن من الحبر مليان .. فالمكتبه نلقى ثلاثين غاره

لاصار ماشيد على العز ديوان .. ونصوه راعين الوفا والنعاره
وش عاد لو انه من عيال شيخان .. لاصار ايمينيه ماتخالف يساره

لو يركب الفكسار ويشد الامتان .. وينسف الغتره ويربط زاراه
ماهو بكفوا للمراجل على شان .. اقول من ينصاه جاه انتصاره

المرجله تبغي من القوم شجعان .. ناسً تموت ولاتذوق الخساره
وجه بشوش مع الاقارب والاخوان .. وعلى العدا نار تطاير شرااره

إليا وقف وقفه تهزله الابدان .. واليا هرج كل الملا بانتظاره
عون الرفيق الي من الوقت بلشان .. وعز الخوي الي قوي أانكساره

هذا هو اللي صدق سمي بليهان .. وهذا الامير اللي عليه الاماره
وجدي على شوف الاباعر مسيان .. في صححن ماجاه شاوي وداره

اله ثلاث اشهور والمزن هتان .. حتى امتلا من فضل ربي وخاره
وحل الوسم والزرع من كل الالوان .. ويكفيك عن شوف البختري نواره

وسجيت رجلي بينها العصر طربان .. طوال الرقاب محققات الجداره
مشيت حتى امسيت عند ام حيران .. وحلبتها حتى مليت الغضاره

وابعدت ثم أشعلت للعز نيران .. ورميت كثبان الحطب وسط ناره
وقربت ماصنع من دلال رسلان .. مضمونت عن الصدى والحراره

واخذت لي فنجان من بن خولان .. ماني الي من الي كيفهم بالزقاره
واتبعتها ببهارها نص ميزان .. حتى استوت واطعمت فيها بهاره

وجوني رجالً من هل العز فرسان .. قومن تحب المرجله والظفاره
وقمنا نتغنى بالقصائد والالحان .. وكلن على ماقيل ياخذه مساره

ان اشهدنها سجة العمر يافلان .. اخير من شوف الفلل والعماره
وانا من الروقه ومن روس عتبان .. قوم لها في قمة العز شاره

ماقول في باق الريجيل نقصان .. بس الصداره تستحق الصداره
وومعيشتي ماهي على باب الاحسان .. ولاهيب في حافز ولا في جداره

احث نفسي للعلا قدر الامكان .. وللعلم والتعليم فيني شطاره
الله وهبني شعر مع قوة لسان .. والشعر يبغاله فنونه ومهاره

مرات اغنيبه على نهج الايمان .. الين إبين للجميع اعتباره
ومرات اغنيبه على لحن الاشجان .. الين اتعب قلب حصه وساره

الشعر ياخذني ليا برى الامان .. وعن نص شعاره سدلت الستاره
الي من الماضي حكايه وعنوان ... والي مع راع الحضاره حضاره

احب اعيش انسان و أموت انا انسان .. ماراح في درب الردى والدرشاره
تمت قصيده شامخه شانها شان .. هجسي وأحاول كل يوم اختباره

اتمنى ان تنال استحسانكم

الموضوع الأصلي: معيشتي ماهي على باب الاحسان .. ولاهيب في حافز ولا في جداره || الكاتب: منيفاوي || المصدر: منتديات الهامور

www.al7amor.com

كلمات البحث

العاب ، برامج ، سيارات ، هاكات ، استايلات

المصدر: مـنتديآإت آلــهآمـــؤر

---

ludajd lhid ugn fhf hghpshk >> ,ghidf td pht. ,gh []hvi ludajd hghpshk pht.

[ترنيمة لم تكتمل]

قصيده شــآآمخه
لاهنت عليها
وصح لسانك ملا يين

[ابي انضبط]

احب اعيش انسان و أموت انا انسان .. ماراح في درب الردى والدرشاره
هههههههههههههههههههههههههه
اضمنلك انك تاتموت انسان لاتخف


تمت قصيده شامخه شانها شان .. هجسي وأحاول كل يوم اختباره
البيت هذا يكفي عن ما أقول
صدقت قصيده شانها شان
صح السانك والقصيدة ذي اطلق عليها مسمى
مقتطفات ذهبيه

[|.|.|.|.|منيفاوي]

اقتباس المشاركة الأصلية كتبت بواسطة ترنيمة لم تكتملقصيده شــآآمخه
لاهنت عليها
وصح لسانك ملا يين

الشامخ مرورك أخت ترنيمه لم تكتمل
صح بدنك

[|.|.|.|.|منيفاوي]

اقتباس المشاركة الأصلية كتبت بواسطة ابي انضبطاحب اعيش انسان و أموت انا انسان .. ماراح في درب الردى والدرشاره
هههههههههههههههههههههههههه
اضمنلك انك تاتموت انسان لاتخف


تمت قصيده شامخه شانها شان .. هجسي وأحاول كل يوم اختباره
البيت هذا يكفي عن ما أقول
صدقت قصيده شانها شان
صح السانك والقصيدة ذي اطلق عليها مسمى
مقتطفات ذهبيه

حياك الله يابن عاضي

ههههه ماتخلون علومكم يالربع الاقصين

صح بدنك
والي أغلى من الذهب مرورك وشهادتك طال عمرك به القصيده

[الريم الجفول]

قصيدة رائعه..وكلمات سلسله وجزله..
إحساس شاعر صادق ينزف وينبض
الجمال والإبداع شعراً

همس القوافي إشتاق لـ نزفك..فـمعيشتي ماهي على باب الاحسان .. ولاهيب في حافز ولا في جداره
إخمدت شوقه وأذاقته عذوبه وجمالاً..

كلمات إخجلت وإلجمت إناملي عن الرد..

صح الله لسانك..

[وافي لو الزمن غدار]

منيفاوي قصيده شامخه
ويعجبني التنويع في ما تقدم لنا شاعر جزل
ولكن لنا حق الانتقاد
وومعيشتي ماهي على باب الاحسان .. ولاهيب في حافز ولا في جداره
تمنيت ان هذا البيت لم يكن هنا وخاصه الشطر الاخير

لان حافز وجداره حق مشروع وليس احسان من احد ولا لــ احد فضل الا الله
حقيقه رغم اعجابي بما تملكه من ثقافه شعريه عاليه الا هنا !!!
بنسبه لي بعتبرها كبوة جواد
ف اذا انت تستعيب وتترفع عن حقك فهذا حق لشعب كافه من نصبيهم من خيرات الوطن
الوطن هو عباره عن الارض ثم انا وانت وهم
اعتذر منك اخي الكريم ولكن ازعجي البيت كثيراً

[.ع ـشق بـدوي.]

اله ثلاث اشهور والمزن هتان .. حتى امتلا من فضل ربي وخاره
وحل الوسم والزرع من كل الالوان .. ويكفيك عن شوف البختري نواره



الله الله ع هـ الجوء مع الرجآل الطيبين

دآئماً أشعآرك تلتمس مشآعرنآآ , سبآيك من ذهب فعلاً
نظمم ووصف في قممة الجمال اكرر و أكرر و أكرر ولآآ أمل
لآ أقول إلاا لله دركك
وننتظر جديدكك بكل شغف

[|.|.|.|.|منيفاوي]

اقتباس المشاركة الأصلية كتبت بواسطة الريم الجفول

قصيدة رائعه..وكلمات سلسله وجزله..
إحساس شاعر صادق ينزف وينبض
الجمال والإبداع شعراً

همس القوافي إشتاق لـ نزفك..فـمعيشتي ماهي على باب الاحسان .. ولاهيب في حافز ولا في جداره
إخمدت شوقه وأذاقته عذوبه وجمالاً..

كلمات إخجلت وإلجمت إناملي عن الرد..

صح الله لسانك..





الكـاتبه المبدعه : الريم الجفول
أشكرك على هالكلام الطيب وصـــح بدنك
وكلي أمنيه أن يكون القادم أفضل وينال إعجابكم

[وريف الغلا]

ايو الله اني ضايق وحيل تعبان .. امن العصر والكبد فيها مراره
احس في صدري ثلاثين شيطان .. وكلً على الثاني يريد انتصاره
ماشالله
وبعض العرب لاراح منته بخسران .. عسا الزباله ترتمي بالزباره
والي معه ختمن من الحبر مليان .. فالمكتبه نلقى ثلاثين غاره
ايه والله
مرات اغنيبه على نهج الايمان .. الين إبين للجميع اعتباره
ومرات اغنيبه على لحن الاشجان .. الين اتعب قلب حصه وساره
الله الله
بجد راقت لي
ابدعت